PSJ (Fransa) keçmiş oyunçusu, hazırda "Real"ın formasını geyinən Kilian Mbappe ilə ödəniş mübahisəsinə görə 2024/2025 mövsümündə Çempionlar Liqasından kənarlaşdırıla bilər.

Futbolmedia.az xəbər verir ki, bu barədə “Le Monde” məlumat yayıb.

Daha əvvəl bildirilmişdi ki, Mbappe Fransa Futbol Federasiyası vasitəsilə Fransa Liqası və UEFA-nın hüquq komissiyasına müraciət edərək, əvvəllər forma geyindiyi PSJ-dən köhnə müqaviləyə əsasən, 55 milyon avro təzminat ödəməsini tələb edib.

Fransa Liqasının (LFP) bu məsələyə qarışması PSJ üçün fəlakət yarada bilər. Çünki təşkilat kluba transfer qadağası tətbiq etmək, həmçinin UEFA lisenziyasını ləğv etmək səlahiyyətinə malikdir. Bununla da PSJ Çempionlar Liqasından dərhal kənarlaşdırıla bilər.

Həmçinin qeyd edilir ki, UEFA yarışlarında iştirak edən hər hansı bir klub lisenziyalaşdırma mövsümündən əvvəl, fevralın 28-dən gec olmayaraq işçilərinə ödənilməmiş əmək haqqının olmaması barədə sübut təqdim etməlidir.

Buna görə də PSJ UEFA-nın klub lisenziyası və maliyyə dayanıqlığı ilə bağlı qaydalarına əməl etmədiyi üçün 2024/2025 mövsümü üçün UEFA klub lisenziyasını itirə bilər.

Qeyd edək ki, Mbappe bu yay PSJ-dən ayrıldıqdan sonra "Real"a keçib. O, 2017-ci ildən Paris təmsilçisində oynayırdı.