“Qarabağ” Çempionlar Liqasının pley-off mərhələsində “Dinamo” ilə qarşılaşacaq.

Futbolmedia.az saytına verilən məlumata görə, Ağdam təmsilçisinin üçüncü təsnifat mərhələsində Razqradda “Ludoqorets”ə qarşı görüşünü izləyənlər arasında “Dinamo”nun məşqçisi də olub. Zaqreb təmsilçisinin baş məşqçisi Sergey Yakiroviç öz köməkçisini Razqraddakı görüşə göndərib.

Sandro Perkoviç “Qarabağ”ın Bolqarıstandakı parlaq qələbəsinə canlı şahidlik edib.

Qeyd edək ki, Azərbaycan çempionu rəqibinə 7:2 qalib gələrək növbəti mərhələyə adlayıb. “Qarabağ”ın “Dinamo”ya qarşı ilk görüşü avqustun 20-də Xorvatiyada, cavab matçı isə 28-də Bakıda baş tutacaq.