Mançester Yunayted” müasir stadiona sahib olmaq istəyir.

Futbolmedia.az BBC-yə istinadən xəbər verir ki, “qırmızı şeytanlar”ın arenası “Old Trafford” köhnəlib və sosial şəbəkədə mütəmadi olaraq damın parçalarının uçması və sair kimi problemləri əks etdirən görüntülər yayılır.

“Mançester Yunayted”in sahibi Cim Ratkliff vəziyyəti qiymətləndirmək üçün işçi qrupu yaradıb. İki variant var: “Old Trafford”un yenidən qurulması və ya indiki stadion söküldükdən sonra yenisinin tikintisi.

İşçi qrupu artıq bir neçə dəfə görüşüb və hələlik ikinci varianta üstünlük verilir. Fakt budur ki, yenidənqurma daha uzun çəkəcək, baxmayaraq ki, daha az xərc tələb edəcək. Yekun qərar hələ verilməyib.