“Neftçi”nin forvardı Lukas Melano yeni mövsümə İndoneziyada başlaya bilər.

Futbolmedia.az xəbər verir ki, “ağ-qaralar”ın legioneri bu ölkənin “Persita” klubuna keçməyə hazırlaşır.

Ötən ilin sentyabrında “Neftçi”yə keçmiş Melanonun müqavilə müddəti bu ayın sonunda başa çatacaq.

Melano “Neftçi”yə gələnə qədər “Belqrano”, “Lanus”, “Portland Timbers”, “Estudiantes”, “Atletiko Tukuman”, “San Lorenzo”, “Sentral Kordoba”, “Universidad Katolika”, “Nyuelss Old Boys”, “Sarmiento” komandalarında çıxış edib.