“Real”ın sabiq qapıçısı İker Kasilyas Madrid klubunun qapıçılarla işini yüksək qiymətləndirir.

Futbolmedia.az AS-a istinadən xəbər verir ki, ispaniyalı keçmiş qolkiper, Tibo Kurtuanın tezliklə yüksək formada olacağını bildirib:

“Andrey Lunin üçün asan olmadı, çünki o, dünyanın ən yaxşı qapıçısını əvəz edirdi. Düşünürəm ki, o, vəzifəsinin öhdəsindən gəldi. “Real”da qapıçılarla bağlı vəziyyət düzgün seçim etmiş məşqçilər heyətinin gözəl işidir. Kurtua tezliklə yüksək formada olacaq”.

Andrey Lunin və Tibo Kurtua “Real”da əsas qapıçı mövqeyi uğrunda mübarizə aparır. “Kral klubu” ötən mövsüm La Liqa və Çempionlar Liqasının qalibi olub.