"Çelsi" baş məşqçisi Maurisio Poçettino ilə yollarını ayırıb.

Futbolmedia.az xəbər verir ki, bu barədə London klubunun rəsmi saytı məlumat yayıb.

Argentinalı mütəxəssisin müqaviləsinə qarşılıqlı razılıq əsasında xitam verilib.

Qeyd edək ki, Poçettino 2023-cü ilin yayında “Çelsi”nin baş məşqçisi vəzifəsinə təyin olunmuşdu. Bu müddət ərzində komanda onun rəhbərliyi altında bütün turnirlərdə 51 görüş keçirib, 27 dəfə qalib gəlib, 10 dəfə heç-heçə edib, 14 dəfə məğlub olub. "Çelsi" mövsümü 63 xalla 6-cı yerdə bitirib.