"Bərabər səviyyəli oyun getdi. Çoxlu hücum təşkil etsək də, son nöqtəni qoymaqda çətinlik çəkirdik".

Futbolmedia.az xəbər verir ki, bu sözləri "Araz-Naxçıvan"ın baş məşqçisi Elmar Baxşıyev Misli Premyer Liqasının 31-ci turunda bu gün "Səbail"ə uduzduqları oyundan sonra mətbuat konfransında deyib.

O, 0:2 hesablı məğlubiyyəti belə şərh edib: "Oyun planında komandaya etirazım yoxdur. Komanda hücum planında istədiyimi meydanda verməyə çalışırdı. Düzələsi bəzi elementlər var ki, komanda olaraq onların üzərində məşq prosesində çalışırıq. Mövsümün sonuna kimi bir az motivasiyanı yüksəldib, axıra qədər oynamaq vacibdir".

E.Baxşıyev bəzi mövqelərə yeni transferlər lazım olduğunu bildirib: "Yaxşı oyunçular var. Ad çəkməyəcəm. Hər bir komandaya əlavələr vacibdir. Bəzi mövqelər var ki, orada rəqabət yoxdur. Gələcəkdə nə olacaqsa, ona uyğun çalışacağıq".

Baş məşqçi ardıcıl məğlubiyyətlərə baxmayaraq, komandada psixoloji problemin olmadığını qeyd edib: "Çalışırıq ki, komandanın üzərində təzyiq olmasın. Bu gün məğlubiyyətimizin səbəbi psixoloji məqamlar deyil. Oyunçular meydanda çalışırlar. Ani diqqətsizlik nəticəsində qapımızda iki standart və