"Lester"in qadınlardan ibarət komandasının baş məşqçisi Uilli Kirk qalmaqallı şəkildə istefaya göndərilib.

Futbolmedia.az xəbər verir ki, bu barədə klubun mətbuat xidməti məlumat yayıb.

Şotlandiyalı mütəxəssisin komanda üzvlərindən biri ilə münasibətdə olduğuna görə vəzifəsindən göndərildiyi bildirilib. Baş məşqçi davranış kodeksini pozmaqda günahlandırılıb.

Komanda müvəqqəti olaraq Ceniffer Fosterə tapşırılıb. İngiltərə millisinin sabiq üzvü olan Foster buna qədər Uilli Kirkin köməkçisi işləyib.