UEFA Avropa Liqasının sosial şəbəkə hesablarında “Qarabağ” haqqında paylaşım edib.

[b]Futbolmedia.az xəbər verir ki, qurum Ağdam təmsilçisinin pley-off mərhələsində “Braqa”ya qarşı keçirdiyi cavab oyunundan fotolar paylaşıb. Həmin şəkillər belə şərh olunub: “Tarix kitabları üçün! Təbriklər, “Qarabağ”.

Qeyd edək ki, “Qarabağ” Avropa Liqasının pley-off mərhələsinin ilk oyununda səfərdə “Braqa”ya 4:2 hesabı ilə qalib gəlib. Bakıdakı cavab matçı dramatik alınıb. Görüşün əsas vaxtı yekunlaşanda ümumi hesab 4:4 olduğu üçün əlavə vaxta ehtiyac duyulub. 56-cı dəqiqətən etibarən azlıqda qalan “Qarabağ” 120+2-ci dəqiqədə son nöqtəni qoyub. Ağdam təmsilçisi bu matçda 2:3 hesabı ilə uduzsa da, ümumi hesabda 6:5 qalib gələrək 1/8 finala adlayıb.