“Səbail” Premyer Liqanın 2023/2024-cü illər mövsümünün ikinci mərhələsi üçün hazırlıqlara start verib.

Futbolmedia.az klubun mətbuat xidmətinə istinadən xəbər verir ki, komanda baş məşqçi Şahin Diniyevin rəhbərliyi altında bu gün “ASCO Arena”da yeni ildə ilk məşqini keçirib.

Qeyd edək ki, “Səbail” hazırlığın növbəti mərhələsi üçün yanvarın 5-də Türkiyənin Antalya şəhərinə yola düşəcək. Paytaxt təmsilçisi qonşu ölkədə 2 yoxlama oyunu keçirəcək. Rəqiblər Rumıniya Superliqası təmsilçisi “Universitatea Cluj” (12 yanvar) və Rusiya Premyer Liqası klubu “Fakel” (15 yanvar) olacaq.