“Mançester Yunayted”in vingeri Antoni ona qarşı tənqidlərə münasibət bildirib.

Futbolmedia.az xəbər verir ki, bu barədə braziliyalı futbolçu sosial şəbəkə hesabında paylaşım edib:

“Mən “Mançester Yunayted”in keçmiş oyunçularından, mediada digər insanlardan tənqidlər görürəm. Amma heç vaxt onların bir mütəxəssis kimi təkmilləşməmə kömək edəcək konstruktiv tənqidlər etdiyini görməmişəm. Rəqəmsal məhkəmə həyatı məhv edir, həqiqət artıq əhəmiyyət kəsb etmir”.

Antoni Premyer Liqanın cari mövsümündə 10 oyun keçirib və heç bir matçda fərqlənə bilməyib.