"Milliyə çağırıldıqdan sonra ilk dəfə deyil ki, zədələnirəm. Demək olar ki, öyrəşmişəm”.

Futbolmedia.az xəbər verir ki, bu sözləri “Qarabağ”ın qapıçısı Andrey Lunyov sport24.ru saytına açıqlamasında bildirib.

Avroliqanın “Qarabağ” - “Bayer” matçında (0:1) uğurlu oyun keçirən, lakin sonradan zədələnərək 86-cı dəqiqədə məcburi əvəzlənən rusiyalı qapıçı bu halın xoşagəlməz olduğunu söyləyib:

“Amma ümid edirəm ki, zədə o qədər də ciddi olmayacaq və mən növbəti oyunlara qədər bərpa olunacağam. Yenidən milli komandada oynayacağıma da ümid edirəm. Bu ki sonuncu toplanış deyil”.

“Qarabağ” klubunun tibbi heyətindən isə TASS agenliyinə bildirilib ki, Lunyov 2 həftə yaşıl meydandan uzaq qalacaq.

Qeyd edək ki, bu yaxınlarda Lunyov uzun fasilədən sonra Rusiya millisinə dəvət almışdı.