Azərbaycan U-19 millisinin noyabrın 13-dən 22-dək Lüksemburqda təşkil ediləcək Avropa çempionatının seçmə mərhələsində keçirəcəyi oyunlar üçün ilkin heyəti açıqlanıb.

Futbolmedia.az AFFA-nın saytına istinadən xəbər verir ki, Qəbələdə təlim-məşq toplanışına başlayan U-19 noyabrın 13-də Lüksemburqa yollanacaq. Millinin yekun heyəti səfər ərəfəsində müəyyənləşəcək.

Baş məşqçi Aqil Nəbiyev ilkin heyət üçün 20 futbolçuya dəvət göndərib:

U-19-un heyəti: Sadiq Məmmədzadə, Əkbər Eyubov, Zaman Zamanlı, Adəm Topalov, İftixar İbrahimov (hamısı “Səbail”), Rəvan Mirzəmmədov, Fəxri Məmmədli, Həmzaəlı Mikayılov, Tuncay Cəfərli (hamısı “Sabah”), Hüseyn Hüseynov, Sadiq Şəfiyev, Cavid Qasımov (hamısı “Turan Tovuz”), Rüfət Abbasov, Nihad Əliyev, Murad Məmmədov (hamısı “Neftçi”), Xəyal Fərzullayev (“Sumqayıt”), Saleh Süleymanov (“Cəbrail”), Arzu Atakişiyev (“Kəpəz”), Uğur Səfərov (“Qarabağ”), Murad Ələkbərov (“Zirə”).

Qeyd edək ki, Avropa çempionatının seçmə mərhələsinin 11-ci qrupunda yer alan Azərbaycan millisi noyabrın 15-də Bosniya və Herseqovina, 18-də Niderland, 21-də isə Lüksemburqla qarşılaşacaq.