"Real" baş məşqçisi Karlo Ançelotti komandanın sabiq futbolçusu, hazırda isə "Sevilya"da çıxış edən Serxio Ramos haqda danışıb .

Futbolmedia.az ESPN-ə istinadən xəbər verir ki, o, müdafiəçi haqqına xoş sözlər səsləndirib:

“Mən Serxionu görmək və ona salam vermək istərdim. Sahib olduğum bütün oyunçulara, xüsusən də ona bağlılığım var. Bu gün "Real"dayamsa, bu, yalnız Serxio Ramosun sayəsindədir. O, 2014-cü ildə Çempionlar Liqasının finalında qol vurmasaydı, yəqin ki, burada olmazdım.

Buna və "Real" üçün etdiyi hər şeyə görə hamı onu çox sevir. Ümid edək ki, o, bizə qarşı qol vurmayacaq, amma vurarsa, istədiyi kimi qeyd edə bilər”.