“İnter Mayami”nin hücumçusu Lionel Messinin meydana nə vaxt qayıda biləcəyi açıqlanıb.

Futbolmedia.az xarici KİV-ə istinadən xəbər verir ki, argentinalı futbolçunun oktyabrın 8-də “Çinçinnati” ilə matçda meydana çıxacağı gözlənilir.

36 yaşlı hücumçu zədə səbəbindən “İnter Mayami”nin son üç oyununu, o cümlədən komandanın “Hyuston Dinamo”ya uduzduğu (1:2) ABŞ Açıq kubokunun finalını buraxıb.

“İnter Mayami” MLS Şərq Konfransında 33 xalla 13-cü yerdədir.