Səudiyyə Ərəbistanı çempionatında 7-ci turun oyunları keçirilir.

Futbolmedia.az xəbər verir ki, məşhur futbolçu Kriştiano Ronaldonun da formasını geyindiyi "Əl-Nəsr" evdə "Əl-Əhli" ilə qarşılaşıb. Ər-Riyadın “Əl-Əvval Park” stadionunda keçirilən oyun meydan sahiblərinin 4:3 hesablı qələbəsi ilə başa çatıb. Ronaldo bu görüşdə dubla imza atıb.

Qeyd edək ki, 7 turdan sonra "Əl-Nəsr" 15 xal toplayıb və hazırda turnir cədvəlində 5-ci yerdədir. Eyni xalı olan "Əl-Əhli" isə 6-cı yerdə qərarlaşıb. Sıralamaya 18 xalla "Əl-ittihad" liderlik edir.

"Əl-Nəsr" - "Əl-Əhli" - 4:3

Qollar: Ronaldo, 4, 52, Taliska, 17, 45+6 - Kessye, 30, Mahrez, 50-pen; Əl Birakan, 87