Rövşən Hüseynlinin : “Onlar da bundan istifadə etdilər“
Tarix: 09.04.2021 | Saat: 09:02:00 | Oxunub: 748 | E-mail | Çapa göndər
Slovakiya – Azərbaycan oyunundan (1:1) sonra millimizin qapıçısı Rövşən Hüseynlinin Azərbaycan Futzal Federasiyasının saytına müsahibəsi

- Qrupun ən çətin oyununu oynadıq, demək olarmı?

- Demək olar. Bunun da səbəbi var. Bura 4 əsas oyunçumuz olmadan gəldik. Onlar zədəli olduğuna görə bizə kömək edə bilmirdi. Turnir cədvəlindəki vəziyyət həm də rəqibi mütləq qələbə üçün mübarizə aparmağa vadar edirdi. Rəqib meydanında oynamağımız da sözünü dedi. Fikir verin, Slovakiya yığması ilə Bakıdan kənarda keçirdiyimiz oyunlarda əsasən heç-heçə edirik.

- Səbəbini nədə görürsən?

- Əvvəlcə meydan amilini qeyd edərdim. Azarkeş olmasa da, örtüyə öyrəşmək lazımdır. Üstəlik, yol yorğunluğu da təsirni göstərir.

- Buraxılan qol haqda nə deyə bilərsən?

- Bu komanda ilə Bakıdakı oyunda olduğu kimi, yenə müdafiədə səhvə yol verdik. Onlar da bundan istifadə etdilər. Əsas olan odur ki, bz intizamı sona qədər qoruduq və lazım olan nəticəni əldə etdik.

- Əslində sona yaxın yorğunluq aşkar hiss olunurdu. Belə məqamda qol vurcağımıza inanırdınmı?

- Bu gün uduzmayacağımızla bağlı sanki daxilimdə bir hiss var idi. Ona görə də inanırdım ki, hesabı bərabərləşdirəcəyik. Yəni vacib olan xal qazanmaq idi, onu da əldə etdik. Buna tək mən yox, komanda olaraq inanırdıq.

- Zədən nə yerdədir?

- Hələ ki ağrı yoxdur. Oyundan əvvəl ağrıkəsici vurdurmuşdum. İnşallah, ciddi bir zədə olmaz və Yunanıstana qarşı meydana çıxaram.

- Bu heç-heçə Yunanıstanla oyun üçün yaxşı motivasiya ola bilərmi?

- Bakıda Slovakiyanı məğlub etdikdən sonra özünəinam artdı. Həmin qələbə bizə motivasiya verdi. Moldova ilə səfərdəki oyunda çoxlu səhvlər etdik. Bu gün bunu azaltdıq. Son görüş üçün də motivasiyamız var.




 
Bölməyə aid digər xəbərlər
07.05.2021
Canni De Byazi: “Azərbaycanlı futbolçular azdır və“
04.05.2021
Ayxan Abbasov: “Büdcəmiz budur, bundan artığını edə bilmərik“
03.05.2021
Sənan Qurbanov: “Biz də onun yerinə məyus oluruq“
29.04.2021
Ayxan Abbasov: “Biz bunu haqq edirik“
29.04.2021
Qurban Qurbanov: “Futbolçulara irad bildirmək istəmirəm“

Şərh əlavə olunmayıb

Facebook-da
© Copyright 2002-2015 FUTBOLMEDIA
Mob.: (050) 588 47 51
E-mail: ali.h525@mail.ru
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info