“Real”ın futbolçusu Toni Kroos “Selta”nın yarımmüdafiəçisi Qabriel Veyqanın “Əl-Əhli”yə keçidini tənqid edib.

Futbolmedia.az xarici KİV-ə istinadən xəbər verir ki, “Real”ın yarımmüdafiəçisi sosial mediada Veyqanın Səudiyyə Ərəbistanı klubuna transferinin razılaşdırıldığı barədə məlumatın altına şərh yazıb: “Bədbəxtlik”.

“Bild” nəşrinin məlumatına görə, Kroosun özü bu yay Səudiyyə Ərəbistanından gələn təklifi rədd edib.

“Barselona”, “Mançester Siti”, PSJ, “Napoli”, “Liverpul” və “Çelsi” kimi klublar Veyqanın xidmətində maraqlı idi.