"Herta" Bundesliqada oynamaq lisenziyasından məhrum edilə bilər.

Futbolmedia.az Almaniya mətbuatına istinadən xəbər verir ki, Berlin klubu ciddi maliyyə problemi yaşayır. Liqa rəhbərliyinin nümayəndələrindən birinin sözlərinə görə, bu, indiyə qədər klubda baş verən ən pis hadisədir. Bundesliqa vəziyyəti şərh etməkdən imtina edib. "Herta"nın çempionat nümayəndələri ilə daim əlaqə saxladığı vurğulanıb.

Mart ayında "Herta"nın səhmlərinin 78,8 faizini 777 Partners şirkəti alıb.

Bundesliqanın qaydaları pozmuş ola biləcək müqaviləni araşdırdığı bildirilir. Qaydalara əsasən, klubun səhmlərinin 50+1 faizi qeyri-kommersiya ictimai təşkilatına məxsus olmalıdır. "Herta" lisenziya ala bilməsə, Almaniyanın üçüncü divizionuna düşəcək, çünki ikinci divizion da Bundesliqa lisenziyası tələb edir.

31 turdan sonra "Herta" 25 xal toplayıb və Bundesliqanın turnir cədvəlində sonuncu yeri tutur.