Meksika çempionatının 13-cü turunda "Amerika" - "Leon" oyununun (2:2) baş hakimi Fernando Hernandes 12 oyunluq cəzalandırılıb.

Futbolmedia.az saytı Meksika Futbol Federasiyasının saytına istinadən xəbər verir ki, buna onun qonaq komandanın futbolçusu Lukas Romeronun qasığına dizi ilə vurması səbəb olub. F.Hernandes oyunçu onun qərarına etiraz etdiyi üçün bu addımı atmışdı.

Qeyd edək ki, qalmaqallı görüşdə hakim hər iki komandanın baş məşqçisini texniki zonadan uzaqlaşdırıb, 6 futbolçuya sarı vərəqə göstərib.