"Barselona"nın keçmiş müdafiəçisi Jerar Pike karyerasını başa vurmasından danışıb.

Futbolmedia.az saytı sport.es-ə istinadən xəbər verir ki, 36 yaşlı sabiq müdafiəçi bir neçə səbəbdən belə addım atdığını deyib:

“Mən yaxşıyam. “Kamp Nou”da karyeramı başa vuranda dediyim ifadə mənim ruh halımı yaxşı əks etdirirdi. Həyatımda çox şey baş verib və bu, təkcə peşəkar səviyyədə deyil. Bəzən anlayırsan ki, hər kəs üçün ən yaxşı qərarı verməlisən. "Barselona"da oynamağı dayandırmaq istəmirdim, amma bunu etməli olduğumu başa düşdüm.

Bir sıra səbəblərə görə karyeramı başa vurdum. Köhnə günlərdəki kimi özümü vacib hiss etmirdim və bundan həzz alırdım. Bu, mənim və komandam üçün ən faydalı qərar idi. Mən düşünülmüş və düzgün qərar verdim".

Qeyd edək ki, ispaniyalı futbolçu "Barselona"da son oyununu 2022-ci ilin noyabrında keçirib. O, "Kamp Nou"da vidalaşarkən pərəstişkarlarına burada "doğulduğunu" və burada öləcəyini deyib. Pike 2008-ci ildən Kataloniya təmsilçisində oynayırdı.