Jerar Pikenin valideynləri futbolçunun keçmiş sevgilisi Şakiranın evində davamlı yüksək səsli musiqidən şikayətlənirlər .

Futbolmedia.az İspaniya mətbuatına istinadən xəbər verir ki, müğənninin Barselonadakı malikanəsi “Barselona”nın keçmiş oyunçusunun valideynlərinin villasının yanında yerləşir.

Müğənninin evində tez-tez yüksək səsli musiqi ilə əyləncə gecələri keçirilir.

Pikenin valideynləri Şakiranın səs-küylü məclislərindən beziblər və hətta köçməyi də düşünüblər. Lakin daha sonra bu fikirdən daşınıblar. Çünki Şakira tezliklə Mayamiyə köçməyi planlaşdırır.

Qeyd edək ki, Pike və Şakira ötən ilin iyulunda futbolçunun xəyanətinə görə ayrılıblar.