DÇ-2022-nin qrup mərhələsinin 3-cü turunda Kosta Rika ilə keçirilən matç Almaniya millisinin üzvü Tomas Müller üçün yığmadakı son oyun ola bilər.

Futbolmedia.az xarici KİV-lərə istinadən xəbər verir ki, bu barədə 33 yaşlı hücumçu oyundan (4:2) sonra açıqlamasında bildirib.

Almaniya millisi Kosta Rikaya qalib gəlməsinə baxmayaraq, qrupda qalıb. Müller isə açıqlamasında məyus olduğunu bildirib və bu görüşün onun üçün sonuncu ola biləcəyinə işarə edib:

“Əgər bu mənim son matçım idisə, alman azarkeşlərə bir şey demək istəyirəm: bu, böyük zövq idi, gözəl anlar yaşadım və hər matçda ürəyimi meydanda qoydum. Mən həmişə əlimdən gələnin ən yaxşısını etməyə çalışmışam. Həmişə yaxşı nəticəyə müvəffəq olmasam da, bunu sevgi ilə etmişəm".

Qeyd edək ki, Müller millidə 2010-cu ildən Argentina ilə yoldaşlıq oyununda debüt edib. Müller DÇ-2010-da Almaniya millisinin heyətində oynayıb və turnirin bombardiri olub (5 qol). Həmçinin Müller Almaniya millisinin tərkibində 2014-cü ildə dünya çempionu adını qazanıb.