DÇ-2022-nin ilk turunda Tunislə matçda zədələnən Danimarka millisinin üzvü Tomas Dileyninin durumuna aydınlıq gəlib.

Futbolmedia.az xəbər verir ki, bu barədə Danimarka Futbol Federasiyasının rəsmi saytı məlumat yayıb. 31 yaşlı müdafiəçi 4 həftə yaşıl meydanlardan kənarda qalacaq. Bu da o deməkdir ki, Dileyni komandasının DÇ-2022-dəki digər matçlarında meydana çıxa bilməyəcək.

Qeyd edək ki, Danimarka - Tunis görüşündə qapılara qol vurulmayıb.

Xatırladaq ki, DÇ-2022 noyabrın 20-də Qətərdə start ötürüb və dekabrın 18-dək davam edəcək.