Gürcüstan "Dinamo"sunun Tbilisidə "Neftçi"yə 1:2 hesabı ilə uduzduğu oyundan sonra azarkeşlə dalaşan klub rəsmisinin adı müəyyənləşib.

Futbolmedia.az-ın məlumatına görə, həmin şəxs "göy-ağlar"ın baş direktoru Zaza Dolidzedir. Dolidze qarşılaşmanın ardından əsəblərini cilovlaya bilməyən fanatlardan birinə sərt cavab verib. Nəticədə onlar arasında gürcü dilində təhqiramiz ifadələrlə müşayiət olunan söz savaşı başlayıb. Bir müddət davam edən mübahisənin əlbəyaxa davaya çevrilməsinin qarşısını digər azarkeşlər və klub nümayəndələri alıblar.