Futbolun İnkişaf Fondu və “Turan Tovuz” futbol klubu 2022/2023-cü illər mövsümü üçün limitli sayda mövsümi biletləri təqdim edib.

Futbolmedia.az xəbər verir ki, 500 ədəd satışa çıxacaq biletin birinin qiyməti 59 AZN təşkil edir. Mövsümi bilet əldə edən şəxslərə klubun atributları da təqdim olunacaq.

Klubun mətbuat katibi Süleyman Tağıyev komandaya dəstək olmaq üçün azarkeşlərə çağırış edib: “9 illik Premyer Liqa həsrətimiz sona çatır. Klub olaraq azarkeşlərimizin bunu necə həsrətlə gözlədiyini yaxşı bilirik. Məlumdur ki, azarkeşlərimiz daim bizim yanımızda olublar, pis gündə də yaxşı gündə də həm maddi, həm də mənəvi dəstəklərini əsirgəməyiblər. İndiki halda komandaya mənəvi dəstəklə yanaşı maddi dəstək də lazımdır. İlk layihə olan mövsümü bilet satışına start veririk. 59 AZN təşkil edən mövsümi bilet əldə edənlərə xüsusi hədiyyələr də təqdim olunacaq. Bütün azarkeşlərimizi bu kampaniyada fəal iştirak etməyə çağırıram. Komandamıza dəstək olaq, yeni tarixi birlikdə yazaq”.

Biletləri əldə etmək üçün aşağıdakı linkdən qeydiyyatdan keçmək və ya +994 51 233 56 55 nömrəsi ilə əlaqə saxlamaq lazımdır.