Gürcüstan millisinin futbolçusu Davit Volkov Özbəkistana 1:0 hesabı ilə qalib gəldikləri yoldaşlıq oyununu şərh edib.

Futbolmedia.az Gürcüstan mətbuatına istinadən xəbər verir ki, komandasının qələbə qolunun müəllifi olan və yığmada qol hesabını açan "Zirə"nin hücumçusu deyib:

"Hər kəsi qələbə münasibəti ilə təbrik edirəm! Təbii ki, milliyə çağırılanda çox sevindim və şansımdan istifadə etməyə çalışdım. Özbəkistanla matçda start heyətində yer aldığım üçün də çox sevindim. Komandam mənim qolumla qalib gəldiyi üçün şadam. Komandamıza uğurlar arzulayıram. Şadam ki, ili qələbə ilə başa vurduq”.

Qeyd edək ki, 26 yaşlı oyunçu hazırda 8 qolla Premyer Liqamızın bombardirdir.