“Sabah”ın UEFA Çempionlar Liqasında rəqiblərindən olan “Barselona”nın hücumçusu Entoni Qordon, klubun tarixinin ən yaxşı heyəti ilə bağlı fikirlərini bölüşüb.

Futbolmedia.az xarici KİV-ə istinadən xəbər verir ki, ingiltərəli futbolçu, Pep Qvardiolanın rəhbərliyi altında Çempionlar Liqasını qazanan komandanı fərqləndirib:

“İndiyə qədər gördüyüm ən yaxşı “Barselona” heyəti Xavi Hernandes və Andres İnyesta kimi oyunçularla Çempionlar Liqasını qazanan Pep Qvardiolanın komandasıdır. “Barselona” tarixində (Lionel Messi istisna olmaqla) ən sevdiyim oyunçu Luis Suaresdir. Mən “Liverpul”un böyük azarkeşiyəm və o, Stiven Cerrardla yanaşı, orada da ən sevdiyim futbolçu idi”.

Qvardiola 2008-2012-ci illərdə “Barselona”ya rəhbərlik edib.