"Şəfa" klubu premyer liqada ilk dəfədir ki, çıxış edir. Ola bilsin ki, böyük təcrübəmiz çatmır. Lakin güclü rəqiblərlə oyunda dirəniş göstərməyə çalışırıq. Çox təssüfflər olsun ki, sonluq bizim üçün yaxşı alınmır.

Bu sözlər, Futbolmedia.az saytına açıqlamasında "Şəfa" klubunun müdafiəçisi Tərlan Quliyev deyib. Müdafiəçi özünün əsas heyətə düşməkdə çətinlik çəkməsinə və qarşıdakı "Turan Tovuz"la baş tutacaq oyununa da, toxunub.

"Turan Tovuz" keçən ilki kimi çox güclü komandadır. Mən bu klubda iki mövsüm forma geyimişəm. Bu mövsüm də, yaxşı başlayıblar. Bizim üçün ağır olacaq. Lakin komandamız hər oyunda meydana döyüşmək çün çıxır. Bu dəfə də, belə olacaq. Özümə gəlincə isə dəqiq bir söz deyə bilmərəm. Mənim əsas heyətdə oynamağım sırf məşqçinin qərarıdır. Baş məşqçi nə qərar verirsə, belədə olmalıdır. Mən məşqlərimi edirəm. Hər oyuna hazır vəziyyətdəyəm. Nə vaxt şans verilərsə, meydana çıxmaq üçün tam hazıram.