“İnter”in müdafiəçisi Federiko Dimarko UEFA Çempionlar Liqasının birinci turunda “Real”a qarşı keçiriləcək matçda iştirak edə bilər.

Futbolmedia.az xəbər verir ki, bu barədə “OneFootball” məlumat yayıb.

Daha əvvəl 28 yaşlı futbolçunun zədə aldığı və “Real”la oyunu buraxa biləcəyi deyilirdi.

Ancaq Dimarko “İnter”in oyunöncəsi məşqində iştirak edib. Bu səbəbdən, onun adının “Real”la qarşılaşma üçün iştirak ərizəsinə salınacağı gözlənilir. Bununla belə, italiyalı müdafiəçinin matça start heyətində başlaması ehtimalı azdır.

“Real” – “İnter” oyunu sentyabrın 8-də keçiriləcək. Qarşılaşma saat 23:00-da start götürəcək.