Konfrans Liqasının pley-off mərhələsinin cavab oyunları çərçivəsində “Qarabağ” – “Tvente” matçının başlamasına 1 saat qalmış stadion kassalarında bilet satışı dayandırılacaq.

Futbolmedia.az xəbər verir ki, bu haqda Ağdam klubunun mətbuat xidməti məlumat yayıb.

Bildirilir ki, qərar oyun öncəsi hazırlıq və təşkilati işlərin tam şəkildə həyata keçirilməsi, eləcə də azarkeşlərin stadiona rahat və təhlükəsiz girişinin təmin olunması məqsədilə qəbul edilib.

Azarkeşlərdən biletlərini əvvəlcədən əldə etmələri xahiş olunur.

Xatırladaq ki, “Qarabağ” - “Tvente” görüşü avqustun 27-də saat 20:00-da Tofiq Bəhramov adına Respublika stadionunda keçiriləcək.