PSJ-nin vingeri Bredli Barkolanın “Liverpul”a keçidi istiqamətində mühüm irəliləyiş əldə olunub.

Futbolmedia.az xarici KİV-ə istinadən xəbər verir ki, “qırmızılar” 23 yaşlı futbolçu ilə şəxsi müqavilənin şərtlərini razılaşdırıb. Bununla belə, Mersisayd klubu Barkolanın transfer məbləğinə görə PSJ ilə danışıqları davam etdirir.

“Liverpul”un fransalı futbolçunun transferi üçün 100 milyon avrodan çox vəsait ödəyəcəyi gözlənilir.

Barkola 2025/26 mövsümündə bütün turnirlərdə 49 oyuna çıxıb, 13 qol vurub və 7 məhsuldar ötürmə verib. “Transfermarkt” portalı onun dəyərini 90 milyon avro qiymətləndirir.