“Qarabağ”ın müdafiəçisi Mateus Silva hələ də müxtəlif komandaların maraq dairəsindədir.

Futbolmedia.az xəbər verir ki, bir müddət əvvəl Silva “Qarabağ”da qalmaq istədiyini bildirərək Braziliyadan gələn təklifdən imtina etmişdi. Çünki baş məşqçi Qurban Qurbanov onu komandada saxlamaq istəyir. Lakin indi braziliyalı futbolçuya İtaliyanın “Fiorentina” klubu tərəfindən maraq yaranıb.

​İtaliya klubu Silvanın bu yay “Qarabağ”da qalmaq qərarına gəldiyindən xəbərdardır. Buna görə də Florensiya təmsilçisi rəsmi təklifini qarşıdakı qış fasiləsinə hazırlamaq niyyətindədir.