Keçmiş "Çelsi" və İngiltərə millisinin müdafiəçisi Con Terri Ronaldo haqqında maraqlı fikirlrər səsləndirib.

Futbolmedia.az xəbər verir ki, o, jurnalist Pirs Morqanla söhbətində Kriştiano Ronaldonun 41 yaşında belə nümayiş etdirdiyi ehtirasa heyran olduğunu bildirib:

“Pirs, bilirsənmi, onun ən çox hansı xüsusiyyəti xoşuma gəlir? Qolları, hərəkətləri və digər keyfiyyətlərindən də çox 41 yaşında göstərdiyi ehtiras. Bu gün müasir futbolçular haqqında danışırdıq. Onların çoxunda nə ehtiras var, nə də sona qədər mübarizə aparmaq istəyi.

Söhbət futbolda demək olar ki, mümkün olan hər şeyi qazanmış bir insandan gedir. Sonra o, kameraların qarşısına çıxıb hamıya geri döndüyünü deyir. O, ona yönələn tənqidləri çox yaxşı bilir və yəqin ki, onları haqsız hesab edir. Mən də onunla razıyam. Ronaldonu tənqid etmək üçün insan dəli olmalıdır.