İngiltərənin "Aston Villa" klubunun qapıçısı Emiliano Martinez cari mövsüm Premyer Liqanın ən etibarlı əlcək sahibi seçilib.

Futbolmedia.az xəbər verir ki, argentinalı dünya çempionu qurtarış faizinə görə liqada birinci pillədə qərarlaşıb. Onun göstəricisi 77 faizdir və bu da çempionat üzrə ən yüksək nəticə hesab olunur.

Statistikaya əsasən, Martinez bu mövsüm bütün turnirlərdə 28 dəfə meydana çıxıb. O, Premyer Liqada matça çıxdığı 22 oyunda qapısında cəmi 19 qol görüb.

Qeyd edək ki, "Aston Villa" hazırda 50 xalla turnir cədvəlinin 3-cü pilləsində qərarlaşaraq liderlər qrupunda yerini möhkəmlədib.