Potuqaliya millisinin və "Əl-Nəsr"in hücumçusu Kriştiano Ronaldo "Santyaqo Bernabeu"da vida matçı keçirə bilər.

Futbolmedia.az xəbər verir ki, bu barədə "Defansa Central" məlumat yayıb.

40 yaşlı forvard peşəkar karyerasını başa vurduqdan sonra vida matçında iştirak etmək üçün gələcəkdə "Santyaqo Bernabeu"ya qayıda bilər.

Qeyd olunub ki, hazırda konkret razılaşmalar yoxdur. Lakin tarixin ən böyük futbolçularından biri ilə vida mərasimini təşkil etmək üçün maraqlı tərəflər arasında mümkün tədbir formatları artıq müzakirə olunur.

Seçimlərdən biri Madriddə "Real" və "Əl-Nəsr" arasında yoldaşlıq oyunudur. Bu ssenaridə Ronaldo hər komandada bir hissə oynaya bilər. Oxşar format Raul Qonzalezin vida matçında da istifadə olunmuşdu.

Həmçinin "Sportinq"lə bağlı alternativ bir fikir də nəzərdən keçirilir. Bu halda, Kriştiano peşəkar karyerasına başladığı klubda, eləcə də futbolçu karyerasının ən uğurlu mərhələsini keçirdiyi "Real"da oynamaq imkanı əldə edəcək.

Qeyd edək ki, Kriştiano 2002-2003-cü illərdə "Sportinq"in, 2003-2009-cu və 2021-2022-ci illərdə "Mançester Yunayted"in, 2009-2018-ci illərdə "Yuventus"un formasını geyinib. O, 2022-ci ilin dekabr ayında "Əl-Nəsr"lə müqavilə imzalayıb.