“Çelsi” qapıçısı Corce Petroviçi bu yay “Qalatasaray”a sata bilər.

Futbolmedia.az xarici KİV-ə istinadən xəbər verir ki, Türkiyə klubu Fernando Musleranın yerinə Petroviçi komandaya dəvət etmək istəyir. Klub serbiyalı futbolçunu sonradan almaq şərti ilə icarəyə götürmək niyyətindədir.

Bundan əvvəl Petroviç “Çelsi”dən onu Klublararası dünya çempionatının heyətinə qatmamağı xahiş edib. İngiltərə klubunun rəhbərliyi oyunçuya start heyətində sabit yer tutacağına zəmanət verə bilməyib və bu səbəbdən, qapıçı mövsümlərarası fasilədə komandanı tərk etmək qərarına gəlib.

25 yaşlı qolkiper son mövsümü icarə əsasında Fransanın “Strasburq” klubunda keçirib.