Cənubi Koreyada iki nəfər “Tottenhem”in futbolçusu Son Hın-Mini şantaj edib.

Futbolmedia.az xəbər verir ki, bu barədə Britaniya mətbuatı məlumat yayıb.

Cənubi Koreya polisi 20-30 yaşlarında qadını və 40 yaşlarında olan kişini həbs edib. Bildirilir ki, müttəhim futbolçudan hamilə qaldığını iddia edərək ondan pul qoparmağa çalışıb. Mart ayında bir kişi Son Hın-Minə yaxınlaşıb və ondan pul da tələb edib.

Futbolçuya bildirilib ki, o, pul ödəməkdən imtina edərsə, hamiləlik iddiaları ictimaiyyətə açıqlanacaq. 32 yaşlı hücumçu özü şantajçılara qarşı polisə ərizə verib.

Qeyd edək ki, Son Hın-Min 2015-ci ildən London təmsilçisinin formasını geyinir. O, 2010-cu ildən Cənubi Koreya millisinin üzvüdür.