“Napoli”nin və Belçika millisinin hücumçusu Romelu Lukaku karyerasını bitirdikdən sonra nə etməyi planlaşdırdığını açıqlayıb.

Futbolmedia.az [b][/b]“Tribal Football”-a istinadən xəbər verir ki, belçikalı futbolçu məşqçi olmaq haqqında düşündüyünü bildirib:

“Məşqçi olmaq haqqında düşündüm. Bir hissəm bunu istəyir, amma bəzi şübhələrim var. Bu mövsüm bitdikdən sonra məşqlərə başlayacam. Bundan sonra dəqiq nə istədiyimə qərar verəcəm”.

31 yaşlı hücumçunun “Napoli” ilə müqaviləsinin müddəti 2027-ci ilin ortalarına qədərdir. O, bu mövsüm A Seriyasında 27 oyun keçirib, 10 qol vurub, 8 məhsuldar ötürmə edib.