“Qalatasaray” futbolçusu Hakim Ziyeşlə yollarını ayırıb.

Futbolmedia.az klubun rəsmi saytına istinadən xəbər verir ki, İstanbul təmsilçisi 31 yaşlı futbolçu ilə müqaviləyə qarşılıqlı razılıq əsasında xitam verib.

Futbolçunun bir müddətdir ki, "Qalatasaray"ın baş məşqçisi Okan Burukla münasibəti korlanıb. O, açıqlamalarında komandadan ayrılacağını bildirmişdi. Ziyeşin Qətərin “Əd-Duhail” klubuna keçəcəyi gözlənilir.

Qeyd edək ki, mərakeşli hücumçu 2023-cü ilin yayından “Qalatasaray”da çıxış edirdi. O, “sarı-qırmızılılar”ın heyətində 34 oyuna çıxıb, 8 qol vurub və 5 məhsuldar ötürmə iedib. O, daha əvvəl "Tvente", "Ayaks" və "Çelsi"də oynayıb.