“Barselona”nın baş məşqçisi Hansi Flik diskvalifikasiya edilib.

Futbolmedia.az “Mundo Deportivo”ya istinadən xəbər verir ki, almaniyalı mütəxəssis növbəti iki matçda ehtiyat skamyada olmayacaq.

Flik İspaniya çempionatının 16-cı turunun dekabrın 7-də baş tutan "Betis"lə oyununda (2:2) qırmızı vərəqə alıb.O, matçın 66-cı dəqiqəsində baş hakimin “Barselona”nın qapısına penalti təyin etməsindən narazılıq edib.

“Barselona” 17 oyundan sonra 38 xal toplayaraq İspaniya çempionatının turnir cədvəlində liderdir.Kataloniya təmsilçisi növbəti iki oyunda “Leqanes” və “Atletiko”(Madrid) klubları ilə qarşılaşacaq.