Mario Balotelli 3-cü liqa klubu ilə danışıqlar nəticəsində İspaniyaya gedə biləcəyi ilə bağlı şayiələri təkzib edib.

Futbolmedia.az xəbər verir ki, 34 yaşlı italiyalı hücumçu sosial şəbəkə hesabındakı paylaşımında şayiələri o qədər bəyənməyib ki, o da öz növbəsində mətbuata hücum etmək qərarına gəlib:

“Uydurmağı, məni ora-bura göndərməyi dayandırın! Sakit olun, müqavilə bağlananda hər şeyi biləcəksiz. Siz jurnalistlər sadəcə yalan danışırsız. Onsuz da bezmişəm. Siz gülünc və dözülməz olmusuz”.

Balotellinin son klubu “Adana Dəmirspor” olub.