"Milan" "Bavariya"nın yarımmüdafiəçisi Tomas Mülleri transfer etmək istəyir.

Futbolmedia.az xəbər verir ki, bu barədə "Bild" məlumat yayıb. 34 yaşlı hücumçunun Münhen təmsilçisi ilə müqaviləsi gələn ilin yayına qədərdir. Almaniya klubunun rəhbərliyi Tomas ilə sözləşməni yeniləmək istəmir. Buna görə də "Milan" vəziyyətdən istifadə edərək Mülleri heyətinə qatmağı planlaşdırır.

Bu mövsüm Tomas Müller bütün turnirlərdə ümumilikdə 575 dəqiqə meydanda olub. Eyni zamanda o,2 qol vurub və 5 qolun ötürməsini verib.

Tomas bütün peşəkar karyerası boyunca "Bavariya"da oynayıb. O, klubla birlikdə 12 dəfə Almaniya çempionu və 2 dəfə Çempionlar Liqasının qalibi olub.