Çexiyanın Upoqlava şəhərinin “Sokol” həvəskar klubunun 16 futbolçusu qolu qeyd etdikləri zaman eyni vaxtda sarı vərəqə ilə cəzalandırılıb.

Futbolmedia.az xarici KİV-ə istinadən xəbər verir ki, bu, noyabrın 4-də Libokovanın eyniadlı komandası ilə oyun zamanı baş verib.Oyunun 55-ci dəqiqəsində upoqlavalı "Sokol" 0:6 hesabı ilə geridə olub. Lakin 82-ci dəqiqədə Martin Blizhil komandasının ilk qolunu vuraraq hesabı 1:6-ya çatdırıb. Bu, meydanda və ehtiyat oyunçular skamyasında onun komanda yoldaşlarını elə sevindirib ki, onların hamısı formalarını cırıb çıxarıblar.Matçın hakimi bunu qayda pozuntusu hesab edib və eyni zamanda 16 sarı vərəqə verib. Dörd dəqiqə sonra "Sokol" Upoqlava yenidən qol vurub. Lakin bu dəfə heç kim Miroslav Bartosun qolunu formalarını çıxararaq qeyd etməyib. Yekunda Libokova "Sokol"u 6:2 hesabı ilə qalib gəlib.