İtaliyanın "Tutto Atalanta" nəşri Avropa Liqasında bu mövsüm ən yaxşı çıxış edən klublardan yazıb.

Futbolmedia.az xəbər verir ki, yazıda "Qarabağ"ın H qrupunda 2 oyundan 6 xal toplamasına da yer verilib: “Atalanta”, “Liverpul”, “Roma”, “Bayer" Leverkuzen, “Vest Hem”, “Slaviya" Praqa və “Qarabağ” mümkün 6 xaldan hamısını toplayaraq iki turdan sonra parlaqlaşıblar. Onların mükəmməl çıxışı qrup mərhələsində dominantlıq etmək niyyətindən xəbər verir.

G və H qrupları deyəsən, artıq liderlərini müəyyən ediblər: bir tərəfdə “Roma” və “Slaviya”, digər tərəfdə “Bayer” və “Qarabağ”. Bu arada "Liverpul" “Tuluza” və “Union”u geridə qoyaraq, öz qrupunda liderliyə yüksəlib".

Qeyd edək ki, "Qarabağ" H qrupunda 6 xalla 2-ci pillədə qərarlaşıb. Komanda lider "Bayer"lə eyni xala malikdir.

Xatırladaq ki, Ağdam təmsilçisi Avroliqanın qrup mərhələsinin ilk iki turunda "Molde" və "Hekken"ə 1:0 hesabı ilə qalib gəlib.