Elxan Məmmədov: “Azarkeşlər böyük futbol festivalının şahidi olacaqlar”
Tarix: 01.12.2019 | Saat: 12:00:00 | Oxunub: 820 | E-mail | Çapa göndər
Rumıniyanın paytaxtı Buxarestdəki ROMEXPO sərgi və konsert kompleksində 2020-ci ildə təşkil olunacaq Avropa çempionatının final mərhələsinin püşkatma mərasimi keçirilib.

Futbolmedia.az xəbər verir ki, AFFA-nın baş katibi, Avropa çempionatının 4 oyununun Bakı şəhərində keçirilməsi üzrə əlaqələndirici Elxan Məmmədov püşkün nəticəsi ilə bağlı federasiyanın saytına açıqlama verib:



“Bu gün Buxarest şəhərində təşkil olunmuş püşkatma mərasimində AFFA-nın rəhbərliyi ilə birgə iştirak etdik. Sevindirici haldır ki, Bakı da Avropa çempionatına evsahibliyi edəcək şəhərlərdən biridir. Qrup mərhələsinin 3 oyunu ilə yanaşı, Bakı 1/4 final mərhələsinin oyunlarının keçiriləcəyi 4 şəhərin də sırasındadır. Böyük bir futbol bayramının birbaşa iştirakçısı olacağıq. Xüsusilə, Türkiyə millisinin qrup mərhələsində Bakıda 2 oyun keçirəcəyi bizi sevindirir. Təbii ki, Türkiyə futbolunun Azərbaycanda azarkeşləri çoxdur. Üstəlik, Türkiyədən öz milli komandalarının oyununa getmək istəyənlər üçün ən rahat, ən yaxın və ən doğma şəhər Bakıdır. Bu baxımdan həm bizim üçün çox şanslı püşkatma oldu ki, Türkiyə millisi Bakıda oynacaq. Eyni zamanda, Türkiyə komandası üçün də uğurlu püşk alındı ki, rəqibləri ilə Azərbaycanın paytaxtında qarşılaşacaqlar. Uels millisinin azarkeşlərinə də sözümüz var: Bakıda pivə keyfiyyətlidir və Uelsdəkindən ucuzdur. Bu bir zarafat olsa da, hər zarafatın mahiyyətində bir ciddi məqam da var. Təbii ki, İsveçrə azarkeşlərini də Bakıda gözləyirik və ölkəmizə təşrif buyuracaq bütün futbolsevərlər böyük futbol festivalının şahidi olacaqlar”.




 
Bölməyə aid digər xəbərlər
06.12.2019
Ramil Şeydayev Moskva “Dinamo“nu tərk edəcək
06.12.2019
Azərbaycanın 2020-ci il üçün FİFA hakimləri
06.12.2019
“Qarabağ“ “Keşlə“yə qarşı - Yenilənir
06.12.2019
Birinci divizionda XIII turun oyunları üçün hakim təyinatları açıqlandı
05.12.2019
Jelko Sopiç: “Daha çox gənclərə şans verdik“

Şərh əlavə olunmayıb

Facebook-da
© Copyright 2002-2015 FUTBOLMEDIA
Mob.: (050) 588 47 51
E-mail: ali.h525@mail.ru
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info