Qurban Qurbanov: “Rəqib də bizi buna məcbiur etdi“
Tarix: 29.11.2019 | Saat: 02:16:00 | Oxunub: 816 | E-mail | Çapa göndər

"Qarabağ"ın baş məşqçisi Qurban Qurbanov Avropa Liqasının qrup mərhələsinin V turunda səfərdə "Sevilya"ya 0:2 hesabı ilə uduzduqları oyundan sonra mətbuat konfransı keçirib. Futbolmedia.az-ın İspaniyaya ezam olunmuş müxbirinin verdiyi məlumata görə, əvvəlcə qarşılaşma ilə bağlı fikirlərini bölüşən təcrübəli mütəxəssis daha sonra jurnalistlərin suallarını cavablandırıb.

- Rəqibi təbrik edirəm. 1 xalla qayıtmaq istərdik. Amma alınmadı. Futbolçular çox əziyyət çəkdi. Hamısından razı qaldım. Qarşıdakı oyunlara hazırlaşmalıyıq.

- Bundan sonra nə olacaq?

- Qarşıda iki çempionat, sonra isə Avroliqa oyunumuz var. Fikrimizi həmin oyunlara yönəldəcəyik. Bu, bizim işimizdir. Hər bir oyunda maksimum gücümüzü ortaya qoymalıyıq.

- Futbolçular tapşırıqlarınızın neçə faizini yerinə yetirə bildilər?

- İlk hissədə daha intimzalı oynadılar. Amma ikinci hissənin başlanğıcında shvə yol verdilər. etdi. Rəqib də bizi buna məcbiur Futbolçularda böyük məsuliyyət olanda belə səhvlərə yol verirlər. Məşqçi kimi onları başa düşürəm.

- İkinci hissədə top itkiləri oldu. Bu, pressinbqlə bağll idi, yoxsa tələskənlik oldu?

- Rəqib bizi daha çox buna məcbur edirdi.

- Sonuncu dəfə bu cür məyus olduğunuz yadınıza gəlir?

- Belə hallar çox olub. Bu da onlardan biridir?

- Hakimliklə bağlı nə deyə bilərsiz?

- Hakimlər haqda nəsə demək istəmirəm. Hər bir halda bizim kimi komandalara daha kiçik baxırlkar. Belə olmasını istıməzdim. Bəzi epizodlarda "Sevilya"ya simpatiya hiss olunurdu. Daha adil olmalıydı. Amma hər bir halda hakimlər bizim kimi komandalara belə münasibət bəsləyirlər. Hakimin qərarı ilə razılaşmalıyıq. Amma daha ədalətli olmalıdırlar. Epizodu görməmişəm. Amma penaltiyə daha çox oxşayırdı.

- İlk qolu vuran Brayan Hillin 20 yaşı var. Niyə bizdə belə futbolçular yetyişmir?

- Biz kiçik futbol ölkəsiyik. Bunun üçün təcrübəmiz daha çox olmalıdır. Bu gün biz La Liqa ilə Azərbaycan çempionatını müqayisə edə bilmərik. Təcrübəmiz çox azdır. Amma hər bir halda bu cür oyunçuları gələcəkdə gözləməliyik. Belə oyunçular yetişdirməliyik. Amma təəssüflər olsun, hələ ki, alınmır.

- Bu gün 0:2 hesabı ilə uduzduq. Futbolda İspaniyadan nə qədər geriyik?

- Bayaq da dediyim kimi, "Sevilya" bu gün La Liqada 2-3-cü yerləri bölüşdürür. Zirvə uğrunda yarışır. Bu çempionatla yan-yana durmaq çətindir. Bəlkə də irəli gedə bilərik.

- Beqoviçlə yollar ayrılacaq?

- Müqavilə dekabra kimidir. Qalmasını istərdik. Amma bizdən asılı olmayan nüanslar var. Hər bir halda qış fasiləsini gözləməliyik. Bəlkə də danışıqlar olacaq. Qəti qərar vermək üçün dekabr ayını gözləmək lazımdır.

- Qrupdan çıxa bilmədik. Qurban Qurbanov harda səhv etdi?

- Bəzən qrupdan çıxmaq şanslarımız olub. Yadınızdadırsa, ümumi oyuna baxsaq, "İnter"ə son dəqiqədə vurduğumuz qol sayılsaydı, həmin il qrupdan çıxa bilərdik. Məşqçi də səhv edə bilər. Biz kollektivik. Fikirlərimizi bir yerə cəmləməliyik. Bu mövsüm APOEL-lə keçirdiyimiz heç bir oyunda rəqibdən zəif çıxış etməmişik. Ən çox qol epizodlarını biz yaratmışıq. Səhv edib-etmədiyimi açıqlamaq düzgün olmaz. Komanda daxilində bunu müzakirə edirik. Yaxşı komandamız var. Ardıcıl altı ildir ölkəmizi qruplarda təmsil edir. Nə rəhbərlik, nə də biz ruhdan düşürük. İrəliyə baxmalı, bu cür oyunlara hazır olmalıyıq. Qrupdan çıxa bilməyən çox komanda var. Həm ölkə, həm də "Qarabağ" olaraq, daha da ciddi addımlar atmalıyıq.




 
Bölməyə aid digər xəbərlər
09.12.2019
Rahid Əmirquliyev: “Klubda daxili problemlər var“ - MÜSAHİBƏ
03.12.2019
Asmir Beqoviç: “Qarabağ“da qalmaq istəyərdim“
29.11.2019
Qara Qarayev: “Tilsimi qıra bilmədik“
29.11.2019
Tahir Gözəl: “Meydanda xəyalımdakı “Qarabağ“ı görmədim“
27.11.2019
Tahir Gözəl:“ İstəyimiz odur ki, Avropa bizi cəsarətli oyunumuza görə alqışlasın“

Şərh əlavə olunmayıb

Facebook-da
© Copyright 2002-2015 FUTBOLMEDIA
Mob.: (050) 588 47 51
E-mail: ali.h525@mail.ru
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info