Zubir: “O vaxt Mbappe bizimlə şəkil çəkdirmək istəyirdi, indi biz onunla“
Tarix: 02.11.2019 | Saat: 10:11:00 | Oxunub: 939 | E-mail | Çapa göndər
"Qarabağ"ın futbolçusu Abdullah Zubir Azərabaycan Premyer Liqasının 10-cu turunda səfərdə "Neftçi" ilə heç-heçə etdikləri (0:0) matçdan sonra Qol.az-ın müxbirinin də iştirak etdiyi brifinqdə jurnalistlərin suallarını cavablandırıb.

- Rəqib çətin və güclü idi. Əvvəlcədən demək olmaz ki, "Qarabağ" istənilən oyunda çıxıb, qələbə qazancaq. Düzdür, birinci hissədə fərqli oynadıq. Qol vurmaq şanslarımız da var idi. Amma ikinci hissədə daha çox müdafiə olunduq. Xeyli güc sərf etdik. Necə ki biz onları udmaq istəyirdik, onlar da bizə qalib gəlmək istəyirdilər. Nəticə də bunu göstərir.

- Avroliqa oyunları da daxil, son 4 qarşılaşmanı nəzərə alsaq, komanda cəmi 1 qələbə qazanıb. Matçlar daha gərgin keçir - APOEL-lə 2:2, "Qəbələ" ilə 1:1. Yalnız "Səbail"lə matçda qalib gəlmisiniz. Əvvəlki "Qarabağ"ı, 7 oyuna 7 qələbə qazanan komandanı görə bilmirik.

- Heç bir şey baş verməyib. Biz ənənəvi oyunumuzu göstərməyə çalışırıq. Amma siz də nəzərə almalısınız ki, rəqiblərimiz asan rəqiblər deyil. Hər oyunu qələbə ilə bitirmək mümkün deyil.

- Qarşıda APOEL-lə görüşünüz var. Bu komanda ilə Nikosiyada oynadığınız matçda çox yaxşı çıxış etmişdiniz. Amma sonrakı oyunlarda, xüsusilə, 2:2 hesablı heç-heçə etdiyiniz görüşdə sizə sanki çox diqqət edirdilər, öz oyununuzu göstərə bilmirdiniz. APOEL-ə qarşı birinci oyundakı Zubiri görə bilərik?

- Özünüz də qeyd etdiniz ki, ilk matçda yaxşı çıxış etmişdim. Dediyiniz kimi, yəqin ki, onlar bizim oyunumuzu analiz ediblər. Hər dəfə onlara qarşı daha çətindir. Çünki qapanırlar, boşluq buraxmırlar. Ona görə də bacardığımızı göstərmək bizə də çətin olur.

- APOEL-lə oyun həlledici olacaq. Məğlubiyyət hər şeyin sonu ola bilər. Bir xal isə daha yaxşı olar. Bu, bir az təzyiq yaradırmı?

- Azarkeşlərin, ölkənin bizdən gözləntilərini başa düşürük. Vacib qarşılaşmadır. Komandada kifayət qədər təcrübəli oyunçular var. Yəni bu cür matçlarda çox oynamışıq. Ona görə də çalışacağıq ki, əlimizdən gələni edib, yaxşı nəticə qazanaq.

- Fransanın Futzal millisində çıxış etdiyiniz vaxt çəkilən şəklinizdə qarşınızda balaca uşaq dayanıb. Hamı deyir ki, o, Kilian Mbappedir.

- Düzdür, orada akademiya vardı. Ölkənin ən istedadlı uşaqları orada yığılırdılar. O vaxt gəlib, demişdilər ki, biz də millinin fanatıyıq, sizinlə şəkil çəkdirmək olar? İndi isə vəziyyət fərqlidir, biz onunla şəkil çəkdirmək istəyərik.

- İndi Mbappe sizi görsə tanıyar?

- Yox, o vaxt onun 12-13 yaşı olub.




 
Bölməyə aid digər xəbərlər
20.11.2019
Nikola Yurçeviç: “Bir xalla mən də xoşbəxt deyiləm“
17.11.2019
Bəhlul Mustafazadə:“Slovakiya ilə oyun bundan da çətin olacaq“
11.11.2019
“Zirə“nin qapıçısı Zoqoviç : “İlk hissədə o qədər də yaxşı mübarizə aparmadıq“
10.11.2019
Donald Gerye: “Qarabağ“da oynamaq mənə daha rahat idi“
01.11.2019
Qurban Qurbanov: “Çoxdandır belə mübarizəli oyun olmurdu“

Şərh əlavə olunmayıb

Facebook-da
© Copyright 2002-2015 FUTBOLMEDIA
Mob.: (050) 588 47 51
E-mail: ali.h525@mail.ru
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info