Arif Əsədov:“hər mövqeyə yeni futbolçu transfer etməyi düşünürük“
Tarix: 19.12.2017 | Saat: 18:11:00 | Oxunub: 767 | E-mail | Çapa göndər
Azərbaycan birici divizionunda mübarizə aparan "Sabah”ın baş məşqçisi Arif Əsədov klubun rəsmi "Facebook” səhifəsinə müsahibə verib.
- Komandanın 1-ci divizionda çıxışını necə dəyərləndirirsiniz?

- Bildiyiniz kimi, bizim komanda çempionatın startına 1 ay qalmış yığıldı. Bu səbəbdən də istədiyim heyəti yığa bilmədim. Daha çox təcrübəsiz gənclərə, kənarda qalan, tanıdığım futbolçulara üstünlük verməli oldum. Diviziondakı çıxışımızı iki hissəyə bölərdim. Çempionatın startı bizim üçün yaxşı başladı. Həm nəticə, həm də oyun baxımından hər şey qaydasında gedirdi. Sonradan bəzi əsas heyət üzvlərinin zədələnməsi çıxışımıza da təsirsiz ötüşmədi. Heyətimiz geniş olmadığından çempionatın gedişində zədəli və cəzalı futbolçuların yoxluğu dərhal hiss olundu. Buna baxmayaraq, fasiləyə iki tur qalmış komanda özünə gəlməyi bacardı. Məni narazı salan yeganə məqam turnir cədvəlindəki mövqeyimizdir. Bununla belə, xal baxımından liderlər qrupundan çox aralanmadıq. İkinci pillədən bizi cəmi 6 xal ayırır ki, bu da gələcəyə nikbin baxmağa əsas verir.

- Qış fasiləsindən necə yararlanmağı düşünürsünüz?

- Hazırlıq planımız 3 hissədən ibarət olacaq. Komanda yanvarın 5-də bir araya gələcək. İlk mərhələ ayın 15-nə kimi davam edəcək. 1-ci mərhələ daha çox seleksiya xarakteri daşıyacaq. Yanvarın 15-də "Kəpəz”lə yoldaşlıq görüşü keçirməyi planlaşdırırıq. 2-ci mərhələdə əsasən fiziki hazırlığa diqqət yetirəcəyik. Bu mərhələdə daha 3 yoxlama görüşü keçirməyi düşünürük. Son mərhələdə isə texniki-taktiki tapşırıqlar üzərində işləyəcəyik.

- Heyətlə bağlı hansısa dəyişikliklər gözlənilirmi?

-Artıq 7 futbolçu ilə yolları ayırmışıq. Demək olar ki, hər mövqeyə yeni futbolçu transfer etməyi düşünürük.

- Qış fasiləsindən sonra komandanın qarşısında hansı hədəf qoyulacaq? Ümumiyyətlə, komandanın potensialı nə qədər irəliləməyə imkan verir?

-Mümkün qədər turnir cədvəlində irəliləməyə çalışacağıq. Fikrimcə, ilk "üçlük” uğrunda mübarizə apara bilərik.




 
Bölməyə aid digər xəbərlər
15.01.2018
Ruslan Abışov:“Millimizin baş məşqçisindən dəvət gözləyirəm“
13.01.2018
“Səbail“in hollandiyalı müdafiəçisi:“pis oynayanda insanlar mənə pis oynadığımı deməlidirlər“
13.01.2018
Ayxan Abbasov:“son iki matçda da zədə üzündən meydana çıxmamışdı“
11.01.2018
Tərlan Əhmədov:“Yaxın günlərdə ilk legioner düşərgəmizə gələcək“
20.12.2017
Qurban Qurbanov:“ İstərdim ki, bir yox, bir neçə qapıçımız olsun“

Şərh əlavə olunmayıb

Facebook-da
© Copyright 2002-2015 FUTBOLMEDIA
Mob.: (050) 588 47 51
E-mail: ali.h525@mail.ru
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info