Hacı Əliyev:“çəkimdə dünya və Olimpiya çempionları vardı“
Tarix: 28.08.2017 | Saat: 18:01:00 | Oxunub: 461 | E-mail | Çapa göndər
Fransanın paytaxtı Paris şəhərində keçirilən güləş üzrə dünya çempionatında 1 qızıl və 1 bürünc medal qazanan sərbəst güləş yığmamız ötən gecə Vətənə qayıdıb.

Futbolmedia.az-ın Azərbaycan Güləş Federasiyasının saytına istinadən yaydığı xəbərə görə, hava limanında təşkil olunan qarşılanma mərasimində KİV nümayəndələrinin suallarını cavablandıran üçqat dünya çempionu Hacı Əliyev bildirib ki, hər bir çempionluq idmançı üçün uğurdur: "Dünya çempionatında zəif rəqib olmur. Hər bir rəqib güclüdür və hər bir rəqibə qarşı güləş taktikası fərqli olur. Rəqiblərimin hamısını tanıyıram. Çəkimdə dünya və Olimpiya çempionları vardı. Sevinirəm ki, üçüncü dəfə dünya çempionu oldum. Qarşıma qoyduğum vəzifənin öhdəsindən gəldim.

Bütün çempionluqlar idmançı üçün uğurdur. Bura qədər çox əziyyətlər çəkmişik. Bu qələbə təkcə mənim əziyyətim deyil, bütün yığma komandanın zəhmətidir. Cənab Prezidentimizin idmançılara qayğısının nəticəsidir ki, bu gün bu nailiyyətlər var. Həm yığma komandanın məşqçiləri, həm də şəxsi məşqçilərimə, hər birinə təşəkkürümü bildirirəm. Üzərimdə kimin əməyi varsa, halal etsin. Bu tək mənim qələbəm deyil, bütün Azərbaycan xalqının qələbəsidir."

Olimpiya çempionu olmaq istədiyini bildirən Hacı Əliyev növbəti yarışlarda 65 kq çəki dərəcəsində çıxış edəcəyini deyib: "Komandamızda medal az idi. İstəyirdim ki, həm komandamızda qızıl medal olsun, həm özüm üçün bir tarix yazım, həm də komandamızda bir az ruh yüksəkliyi yaradım. Şükür Allaha, bunu bacardım. Çox sevinirəm ki, üçüncü dəfə bu qələbəni qazanmışam.

Olimpiya çempionu olmaq istəyirəm. Ancaq qarşıda yenə Avropa və Dünya çempionatları, yarışlarımız çox olacaq. İnşallah, hazırlaşacam və bir çəki yuxarıda çıxış edəcəm. Olimpiya Oyunlarında 65 kq çəki dərəcəsində çıxış etməliyəm. Əlimdən gələni edəcəm ki, nə qədər ki idmanda varam, böyük uğurlar qazanım."

Yaxşı hazırlıq prosesi keçdiklərini bildirən Hacı Əliyev Qarabağ klubunun Çempionlar Liqasına vəsiqə qazanmasının da onları sevindirdiyi qeyd edib: "Rusiya millisinin üç üzvü finalda olsa da qızıl medal qazana bilmədilər. Bizim qızıl medal qazanmağımız mənə elə gəlir ki, bizim onlardan daha yaxşı hazırlıqlı olmağımızla bağlıdır. Daha yaxşı hazırlıq prosesi keçməyimizin nəticəsidir ki, bizdə qızıl medal oldu, onlarda isə yox.

Biz Dünya çempionatında olarkən Qarabağ futbol klubunun Çempionlar Liqasının qrup mərhələsinə vəsiqə qazandı və bütün xalqımızı, o cümlədən bizi sevindirdi. Fürsətdən istifadə edərək, Qarabağ klubuna da uğurlar arzulayıram. Azərbaycanımıza belə gözəl qələbələr yaraşır və inşallah bu qələbələr çox olar".




 
Bölməyə aid digər xəbərlər
10.11.2017
Futzal üzrə Azərbaycan millisi turnirdə iştirak edəcək
08.11.2017
“Araz” bu dəfə büdrədi
07.11.2017
Şəhriyar Məmmədyarov:“Bu, inanılmaz bir şeydir“
28.10.2017
Millimiz İspaniyaya qarşı (ONLAYN)
26.10.2017
Daha 2 boksçumuz Avropa çempionatının yarımfinalında

Şərh əlavə olunmayıb

Facebook-da
23.11
14:00
Maksim Medvedev:
© Copyright 2002-2015 FUTBOLMEDIA
Mob.: (050) 588 47 51
E-mail: [email protected]
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info